طريق اخطاب ومداخلها وصمة عار فى جبين اخطاب

ياترى مين المسئول وفين المسئول عن هذا الطريق البائس الذى يعتبر بحق وصمة عار فى جبين المسئولين أفلا يبصرون . اذا كانت الحجة هى المجارى فخلصت خلاص .. يمكن مفيش فلوس .للاسف اغنى قرية . يمكن مفيش مناصب فى البلد تقدر توصل الوضع ده للمسئولين فى الدولة .. للاسف برده اكبر المسئولين موجودين .. طب المشكلة فين يمكن مفيش مسئولين فى البد أصلا ولا فيه بس حب البلد انتزع من قلوبهم . مش مكسوف لما تدعى واحد صديق يزورك ويشوف منظر بلدك . مش مكسوف لما تدعى الصحافة والإعلام او مسئول كبير لبلدك ويشوف منظرها ..
لما المظاهرة قامت فى القرية المسئولين زعلوا من التظاهر . فكرنا وقلنا نعمل منتدى لتبادل الرأى بين شباب القرية ونلغى المظاهرات خالص ونعرض مشاكلنا وهمومنا وامالنا وطموحاتنا ونعرضها بعد كده للمسئولين . برده مش عاجب .. طب نعمل ايه نروح لمين ونقول يامين
الله يرحم الحاج سيد عيسى العوضى رجل بألف رجل ...لوحده عمل ال ماحدش من المسئولين فى البلد قدر يعمله رصف البلد بشوارعها وعمل مشروع المجارى وشجر مدخل البلد
ياترى فيه سيد عيسى فى اخطاب ؟

سامحونى على قلة المشاركة فى المنتدى الفترة الماضية لظروف السفر لكنى عدت لأرد على هذا الكلام الرائع
أولا قبل أن أبدأ أحب أن أشكر حضرتك جدا جدا على هذا المنتدى الرائع الذى أحدث ضجة كبرى فى جميع قرى محافظة الدقهلية ولا أخفى عليك سرا فقد أحدث ضجه كبرى على مستوى الجمهورية بدون مبالغة لانه انتشر على الفيس بوك حتى بين أبناء اخطاب فى الخارج بعض القرى تمنت لو أن لها إبنا يفعل لها مثل ما قدمت ... شكرا جزيلا على هذا العطاء
ولو أن كل فرد فى المجتمع قدم خدمة لبلده فى نفس تخصصه وبكفاءة أكيد كانت مصر اتغيرت للأفضل من زمان
عموما تعقيبا على كلام حضرتك فعلا وصمة عار فى جبين قرية اخطاب ان يكون مدخلها بهذا الشكل المستفز .. اما بالنسبة للمسئولين فى القرية مش عارف اقول أيه لو بيتباعوا كنا اشترينا واحد يخدم بلدنا بدل مفيش حد من أولادها عايز يخدمها

معلهش انا عايز اضيف نقطة غايبة عن ناس كتير المنتدى هايكون له تأثير كبير جدا على انتخابات مجلس الشعب فى الدورة البرلمانية القادمة لان عدد الأعضاء والزوار بيزيدوا بطريقة ملفته للنظر والمنتدى بقالة اسبوع فقط وال مش مصدق يشوف عداد الزوار فى اسفل المنتدى

كلام حضرتك مظبوط جدا وخصوصا ان تم بالفعل عمل منتديات لمعظم قرى مركز أجا وتم بالفعل التواصل معهم وفى انتخابات مجلس الشعب القادمة سيتم التصويت على المرشحين فى هذا المنتدى وجميع منتديات مركز أجا وسيتم تجميع الاصوات فى منتدانا الغالى والمرشح ال هايفوز باكبر عدد من الاصوات هايكون ان شاء الله ناجح مقدما ولذلك فمن باب الذكاء الدخول على هذا المنتدى من قبل المرشحين والافصاح عن برنامجه الانتخابى وإذا حاز اعجاب الاعضاء ووافق جميع مطالبهم وينفذ بعضها على ارض الواقع قبل الانتخابات ...ان شاء الله هانقدر نجمع له أكبر عدد من الاصوات فى أقل فترة ممكنة
وطبعا العدد بالالاف
ياريت يقعدوا مع الشباب ويشوفوا مطالبهم المشروعة ويسرعوا فى تنفيذها
دلوقت ما بقاش منتدى قرية اخطاب لوحده دلوقت اندمج معاه جميع منتديات مركز أجا والتواصل مستمر
يعنى على رأى العضو الكريم إن المنتدى هايكون له الكلمة الأولى فى الانتخابات القادمة بفضل شباب اخطاب وشباب مركز أجا بالكامل
شعارنا ....إيد واحدة

عيزيى الاستاذ\ مصطفى وكل اخوانى المشتركين معنا فى حملة بأدينا نيبنى بلدنا


انا مع حضارتكم فى كل كلمة وحرف فيما سبق :بلدنا فيها كتير السيد عيسى وربنا بس للاسف مش عارفين نفسهم . بس انا نفسى يا صديقى المحترم ان ننظر بنظرة متسعة وبجدية على شكل المدخل لبلدنا من ناحية اشياء كثيرة اخرى
** - هل من مكان اخر ليتم به تجمع البياعين لسوق الثلاثاء ......؟؟؟ بدلا من المنظر السئ هذا .
** - هل من مكان اخر ليتم به تجمع سيارات الاجرة دى واسمحوا لى يا احبائى ان اضيف فى هذة
النقطة . اليس من الكافى استخدامنا كبعير او حيوانات داخل هذا االصندوق الذى يسمونه
سيارات اجرة واللهى لا يصح ولا يجوز للانسان ان يستخدمة . ما الفرق بيننا وبين
دماص بجد برافو عليهم مش بس فى سياراتهم لا بل فى كل شئ .........
نفسى اشوف بلدى زى ما انا عاوز .....!!!!!!

اخى الفاضل اوافقك الراى فيما قولته تماما..والله عندك حق