مقترحات لتنمية القريه

انا عندى شويه مقترحات لتوعية الناس فى القريه قبل المرحله الانتخابيه اللى هاندخل عليها اولا:عايزين نشرح للناس العاديين وللشباب وضع البلاد قبل 25 يناير ومابعد25 يناير وطموحات شباب الثوره وماذا يريدون من اصلاحات فى مصر. توضيح دور المجالس المحليه المنتخبه واهميتها وكيفية اختيار اعضائها.بناء كوادرشبابيه جديده لتترشح فى انتخابات المجالس المحليه. الرقابه المجتمعيه على المجالس المحليه والتدقيق فى تنفيذ برامجها ومحاسبتها عند التقصير. معرفة اهمية البرلمان بمجلسيه (الشعب والشورى) . مواصفات عضو البرلمان ومايجب ان يتمتع به من ثقافه وعلم ودرايه تامه يشؤن البلد. تغيير مفهوم عضو مجلس الشعب من العضو الخدمى الى العضو التشريعى والمراقب علر السلطه التنفيذيه. كيفية قراءة البرنامج الانتخابى لمرشحى المجالس البرلمانيه ودراسته دراسه تامه. كيفية مراقبة عضو البرلمان ورئيس الجمهوريه . عدم الانسياق وراء المرشح من اجل ماله اومركزه ولكن الانسياق وراء افكاره التى يقنع بها المواطن. توضيح سلطات كل من البرلمان ورئيس الجمهوريه . توضيح وتفسير مواد الدستور التى سوف يعلن الاستفتاء عنها. مواصفات شخصية رئيس الجمهوريه وكيفية اختيار الرئيس المناسب من كافة المترشحين للرئاسه وتوضيح السيره الذاتيه لكل مرشح. شرح توجهات الاحزاب المختلفه التى سوف يتم انشاؤها قريبا وكيفية قراءة اهداف الاحزاب ومقارنتها مع احتياجات المواطن وذلك لمن يرغب فى الانضمام الى احزاب بعينها اويدعم مرشحين من هذه الاحراب سواء فى الانتخابات البرلمانيه اوالرئاسيه.

أنا رأييى الموضوع ده كبير جدا على أهالى القرية لأن الناس لما تنتخب بتنتخب مجاملة لشخص معين وخاصة فى ظل التزوير لفترات كبيرة ولكن الأهم الآن لابد من تكاتف الناس كلها على مرشح واحد يقدر يفيد البلد سواء فى انتخابات المحليات أو تنمية المجتمع أو المجالس النيابية أو مركز الشباب عايزين بجد الناس تشترك وخاصة الشباب

ياجماعه الموضوع مش كبير ولاحاجه وبعدين دى حملة توعيه ذى اى حمله لازم الناس تدى صوتها الى الانسان الذى يستحق هذا التكليف وبعدين لحد امته هانقول الموضوع ده كبير علينا احنا قدها وقدود وهاننشر التوعيه للقرى المجاوره باعتيار ان احنا دائره واحده احنا كلنا متعلمين والحمدلله وفيه شباب عقولها جباره ولازم نعمل كده لان بعد كده هايكون من وسط الشباب دول اللى هايمثلنا فى المجلس وغيره شباب المدن احنا مش اقل منهم لوكنا عايزيين حد يوصل صوت الريف للمسؤلين بجد وبعدين لازم يبقى مننا للمرشح كده وجها لوجه ويكون له تليفونات خاصه معروفه للجميع لسهولة التواصل وعرض المشكلات مش بعد ماينجح نيجى ندور عليه يغطص مايقبش الا فى الدوره اللى بعدها فاحنا مش عايزين ندبس نفسنا فى واحد يقعد مدته وبعدين لوماعملش حاجه نقول المره الجايه مش هاننتخبه نكون بقه متنا من غير مانشوف تغيير ولاحاجه

فعلا الموضوع مش كبير دا الاقتراح ده هيقوم بيه فرد واحد فاهم فى البلد يعنى ممكن ال بيقول كبير مادام عارف انه كبير ومقدر قيمته ممكن يستطيع البحث وجمع العلومات ويفيد الناس بيها عن كل المرشحين ايجابياته وسلبياته ويضعها بين ايدى الناس فى هذا المنتدى المحترم وهذا وجه من اوجه المساعده للجميع والكل يساعد فيما يستطيع ولو بهداية الناس للاختيار الصحوكمان لاحظت من كلمة الموضوع كبير على البلد انه بيسخر من البلد ومفيش حد خالص بيفهم بقه ده معقول !!!!!!

الحمدلله اللى لاقيت حد يشجع الفكره انا والله كنت يئست لانى حطه امل كبير فى شباب البلد المثقف الواعى انه يطور ويكون فيه خطوات جديه للتطوير ومش لازم نستنى حد يطور مننا احنا اللى هانطور ونغير نفسنا وده طبعا بعون من الله سبحانه وتعالى وصدقونى دى هاتكون اول الخطوات الجديه اللى هاتتعمل وخصوصا ان احنا داخلين على مرحله جديه لاتهاون فيها فياريت الشباب كله يتكاتف فى دعم هذه الفكره وعلى فكره فى جمعيه مصريه ماسكه الموضوع ده وبتنشره فى قرى ومحافظات مصر بس الجمعيه دى محتاجه ناس يشتغلوا على الاهداف دى فياريت نكون زى الشباب دول احنا والله مش اقل منهم احنا عندنا فى البلد بتاعتنا لوحدها مفكرين وعباقره كتير فى كل شىء

على فكرة أنا لا أسخر من البلد ولا حاجة يا جماعة أنا لما قلت الموضوع كبير لأن لو جبنا مين بيترشح فى دائر أجا منذ عشرون سنة
الفقى وخلاص كبر فى السن وابنه مكانه - عبد الفتاح دياب وخلاص أعتقد ما عدتش شايف المجلس - ليلى التليس وأعتقد راحت مع الحزب - رأفت سيف وكبر فى السن - - رشاد الناقر شاب كويس بس راح الحزب وحتى الإعادة مدخلهاش - حسين سبع إخوانى صرف وأخذ أصوات عند فى الحزب الوطنى مش أكتر
ومدخلش الإعادة وأعتقد مرشح الإخوان هيتغير - مين اللى موجود على الساحة غير دول بس ده كل قصدى
أما المجالس المحلية كلنا عارفين مين فيها وحتى لو جبنا حد من البلد نختاره هيحصل انقسام بينا
وللأخ الصحفى أنا لن أكون انسان لو سخرت من بلدى وأهلها لأن بها أصدقائى وأقاربى وأهلى وجيرانى

احنا مش زعلانين منك فى الكلام اللى انته قلته يااستاذ وليد ودى حرية راى بس نفسنا نلاقى فيه حركه من الشباب فى البلد اكتر من هذا وكمان نفسى نجمع بعض ونفعل الافكار اللى عندنا احنا لحد امته هانقعد نتكلم وخلاص احنا كده عملنا زى المسؤول اللى قاعد على الكرسى وبيقول هااعمل واعمل ومافيش حاجه بتتعمل نفسى يكون كل واحد يوفر من وقته شويه ونفعل افكارنا وتبقى موجوده فيه بلاد بنشوف شبابها عاملين شغل كويس من غير مساعده اى حد وباعدين لو كنا عملنا حملة التوعيه دى قبل التعديل كان ناس كتير عرفت ايه اللى حاصل دا انا جيت اقول للناس فيه ناس مفكره ان دى انتخابات الرئاسه واللى تقول ده فيه ناس اتصلوا علينا وقالوا لينا قولوا لا انا الحمد لله علشان قاريه كويس عرفت اقول نعم وبثقه دون ان ياتى احد ويفرضها على ولاقيت ناس ماشيه فى البلد يقولوا علشان الاخوان قالوا نعم احنا هانقول لا يعنى ده اسمه كلام والله ولااى ثقافه عند دول بالمره لما نكون فى مرحله حرجه زى دى وناس دخله تبوظ وخلاص وان كانت حتى البلد هاتخرب ولا فى دماغهم وياريت ياشباب نلاقى اهتمام منكم بالمنتدى والافكار اللى فيه احنا ممكن نشارك معاكم بس نجمع نفسنا من الجنسين ومش شرط جمعيه والا بتاع العمل الاجتماعى مش عايز اى جمعيات عايز همه وعزيمه وافكار كويسه عايزين قريبا نوعى الناس والمرحله دى اكيد هايكون فيه مرشحين امناء ماكانوش بيلاقوا ليهم مكان فى الزيطه بتاعة السنين اللى فاتت وياريت نظره الى المنتدى الاسلامى انا كنت اعلنت عن حملة صحينى اصلى الفجر ولم يستجيب احد اليس لديننا حق علينا ام ماذا واعلنت ايضا عن كتابة ماستفاده المصلى من خطبة يوم الجمعه ولم يستجب احد نظره منكم الى المنتدى الاسلامى وجزاكم الله خيرا